ფრთხილად!!!

ეს, ვგონებ, მითრიდატეჲმ მოიგონა და თავი ვერ შევიკავე, აქ რომ არ დამეწერა:

ფრთხილად, ციყვი მოფრინავს!

ეძღვნება А.С.Лошадь-ს

სამადგილიანი ცხენპუშკინა

შენ განანათლე თვით პოეზია,
ფუძე დაუდე ყოლიფერ სიბრძნეს,
მხოლოდ შენ მოგიძღვნეს მათ ელეგია,
მათ თუის ღმერთად მხოლოდ შენ გიცნეს!

შენს სადიდებლად დიადი ციყვი
მუხლს იდრეკს ამაყად, მოურიდებლად,
მას ჰბაძავს პატარა სოკოჲ ნიყვი,
რომელიც წვიმას ელის უდარდელად!

ზეგარდმო ზევსას ლოცვაჲ გიფარავს,
შენ ხარ რჩეული თვით ცხენქალასი,
ზევსიც შენ კიდევ დიდხანს დაგიფარავს,

ჩვენო კუმირო სამადგილიანო ცხენპუშკინა! 

მცირე ისტორიული ნარკვევი პოემისა

კაცი სწავლული

”ბედი ბანჯგვლისას” ავტორი ჩვენთვის, სამწუხაროდ, უცნობია. ჩვენამდე მისი ორი ვარიანტია მოღწეული. მეცნიერთა ვარაუდით იგი დიადი ციყვის დაწერილი უნდა იყოს, მაგრამ შეიძლება ეს ასე არ არის. ნაწარმოები ცხოვრებისეულ გამოცდილებაზე დაყრდნობითაა დაწერილი. მასში ავტორი ოსტატურად აღგვიწერს ბანჯგვლთა სამეფოს წახდენის ისტორიას და არაერთ ისტორიულ ფიგურას მოიხსენიებს (მითრიდატე, ზევსი, სიკვდილის ბუზი). ნაწარმოების ბოლოსა და თავში კი ხალხური სიბრძნეებიცაა გამოყენებული. როგორც ჩანს, იმ დროში ფრიად მწიგნობარი საზოგადოება უნდა ყოფილიყო. დაწერის თარიღიც ასევე უცნობია, რადგან ციყვის მოღვაწეობის წლები ჯერ მეცნიერებს არ დაუდგენიათ და უცნობი ავტორისა ხომ მითუმეტეს. მიმდინარეობს მუხლჩაუხრელი მუშაობა. იმედია, მომავალში მოხდება თარიღის დადგენა, რასაც ჩვენს ერთგულ მკითხველს გაზეთ ”ფიჩოსან TIMES”-ში შევატყობინებთ.

ისტორიული მომიხილვა გააკეთა
პროკლე დობორჯგინიძემ